Video

Audio

Singer: Muhammad Samie

Composition: Muhammad Samie

Lyrics’ Selection & Arrangement: Muhammad Samie

Poets: Bu Ali Shah Qalandar | Allama Iqbal | Meer Taqi Meer | Mirza Ghalib | Bedam Shah Warsi | Baba Zaheen Shah | Qamar Jalalvi | Qateel Shifai | Seemab Akbarabadi | Muhammad Samie

Music: Jay Ali

Release Date: October 26, 2019

——–

“Despite knowing a lot … may be … I knew nothing. I do not know … Nami Danam.”- Samie

Lyrics:

Manam mehv-e-jamal-e-oo nami danam kuja raftam
Shudam ghark-e-wisaal-e-oo Nami danam kuja raftam

Nami Danam Nami Danam [Chorus]

Na tha kuch to Khuda tha kuch na hota to Khuda hota
Duboya mujh ko hone ne na main hota to kya hota

Nami Danam Nami Danam [Chorus]

Uthi jis simt bhi nazren tujhi ko jalwa-gar dekha
Tu hi har ik nazaray mein tujhi ko chaar su dekha

Kisay Ka’aba banaen kis ko sang-e-aastan kar len
Kashakash mein hain deewane tera sajda kahan kar len

Nami Danam Nami Danam [Chorus]

Kaheen unvaan badla hai, kaheen tarz-e-bayaan badla
Azal se ta abad afsana-e-hasti kahan badla
Badalne ko hazaaron karvaten badleen zamane ne
Magar meri jabeen badlee na tera astaan badla
Ye faizan-e-nazar tha ya keh maktab ki karamat thi
Sikhaaye kis ne Ismail (A.S.) ko adaab-e-farzandi
Tere azaad bandon ki na yeh duniya na woh duniya
Yahaan marne ki pabandi wahan jeene ki pabandi
Khuda ay kaash ham ko ḳhaak hi rakhta keh phir hum bhi
Ghubar-e-raah hote ya kisi ki ḳhaak-e-pa hote
Sarapa aarzu hone ne banda kar diya ham ko
Vagarna hum Khuda thay gar dil-e-be-mudda’a hote

Nami Danam Nami Danam [Chorus]

Kahaan insaan kahaan aql-o-ḳhirad ki bediyan taoba
zara bhi aql ho to aadmi divana ho jae
Sahar tak sab ka hai anjam jal kar raakh ho jana
Bane mehfil mein koi sham’a ya parvana ho jae

Nami Danam Nami Danam [Chorus]

Ye aalam dekh kar tu ne bhi ankhen pher leen varna
Koi gardish nahin thi gardish-e-ayyam se pehle
Yahi dastoor-e-duniya hai yahi rasm-e-mohabbat hai
Keh sab apne hi hote hain kathin ayyam se pehle

Nami Danam Nami Danam [Chorus]

Ye kis ne shaaḳh-e-gul la kar qareeb-e-ashiyan rakh di
Keh main ne shauq-e-gul-bosi main kanton par zaban rakh di
Karen ge shikwa-e-zulm-o-sitam dil khol kar apna
Keh woh maidan-e-mehshar hai na ghar un ka na ghar apna

Nami Danam Nami Danam [Chorus]

Fazeelat hai Ye Aaqa (S.A.W.W.) ki wahan un ki rasaai hai
Farishtay kya fariston ke jahan saaye nahi jaate
Muhammad (S.A.W.W.) raaz-e-wahdat hain koi ramz un ki kya jaane
Shariyat mein to banda hain haqeeqat main Khuda jaane

Nami Danam Nami Danam [Chorus]

Ghulam-e-roo-e-oo boodam aseer-e-boo-e-oo boodam
Gubaar-e-koo-e-oo boodam nami danam kuja raftam

Share This Spell , Choose Your Platform!